بعد ما ظبطته بيخونها في بيت الزوجية، طردت الكينية "إدنا موكوانا" جوزها من البيت لمدة أسبوع. وده قبل ما تعرض على عشيقته إنها تشتريه مقابل 2000 شيلينج (20 دولار). وقالت "موكوانا" إنها طلبت من العشيقة تبعتلها 2000 شيلينج، لكنها بعتت 1700 (17 دولار) بس. فأخدتهم واشترت بالفلوس هدوم السنة الجديدة لأطفالها.
ولما اتسألت إذا كان في فرصة إنها تسترد جوزها تاني، أكدت إن ده مستحيل يحصل نهائيًا. وإنها مش عايزة تبدأ السنة الجديدة بمشاكل 2019.
هي دي الأم الكينية الأصيلة.
