قدم المجلس القومي للمرأة، شكوى لإدارة موقع جوجل، بيطلب فيها وقف بث أغنية "سالمونيلا" لتميم يونس. لأن فيها رسائل بتهين المرأة، وبتدعو للتنمر والتحريض عليها.

وأضاف المجلس في الشكوى إن الأغنية بتحتوي على ألفاظ خارجة عن الآداب العامة، وبتأسس لجريمة السب والقذف. وكمان فيها إخلال بميثاق الشرف الإعلامي.

الشكوى صدرت بعد ما تميم بالفعل كان عمل فيديو في نفس يوم صدور الكليب، 1 يناير، بيوضح فيه إنه بيتريق في الأغنية، على الشاب اللي بيتقمص ويتغير لما بنت ترفضه وتقوله لأ.

أغنية "سالمونيلا" لتميم يونس محققة لحد دلوقتي على يوتيوب أكتر من 6.5 مليون مشاهدة.