بعد مرر 109 سنة من غرقها، قررت مدينة ملاهي في الصين، بناء سفينة بتشبه سفينة " تيتانيك" الغارقة بدرجة كبيرة، علشان تحقق نفس تجربة المغامرة اللي عاشها ركابها الأصليين.

حاليًا، بيتم إنشاء النسخة الجديدة للسفينة في مقاطعة داينج في سيتشوان، تحت اسم "تيتانيك غير القابلة للغرق"، وهيكون طولها حوالي 269.06 متر وعرضها 28.19 متر، يعني بنفس حجم السفينة الأصلية بالظبط.

وعلشان جو المغامرة يكمل، السفينة هيكون موجود داخلها "قاعات ولائم- مسارح- منصات مراقبة- حمام سباحة".

الشركة المصنعة للسفينة، اشترطت على الركاب إرتداء نفس الملابس اللي كانوا لابسينها الركاب وقت غرق السفينة تايتنك، مش بس كده دي كمان هتسبح من نفس المسار البحري اللي مشيت منه السفينة الأصلية.

متاح للضيوف دفع مبلغ مالي، مقابل قضاء ليلة على متن السفينة، اللي ها ترسى بشكل دائم في خزان في نهر جيجيانغ- على بعد حوالي 130 كيلومتر - من عاصمة المقاطعة تشنغدو، يعني على بعد مئات الأميال من البحر.

لحد دلوقتي لسه ما تحددش ميعاد افتتاح السفينة. لكنه هيكون في سنة 2022.