لو بطلنا نحلم نموت، ولو عافرنا نقدر نفوت، والمصري بالذات بيفوت في الصخر. علشان كده في بطولة العالم للسباحة للأساتذة الكبار، اللي نظمتها كوريا الجنوبية، حقق المصريين المشاركين انتصارات عظيمة. ودي كانت أهم النتائج:

حصل المهندس أحمد جواد حمادة على الميدالية الفضية لسن 84 سنة، في منافسات 100 متر سباحة حرة.

فاز خميس العدوي بميدالية برونزية، بعد حصوله على المركز الثالث لسباق 3 كيلو متر حر، لسن 74 سنة. وحصلت الدكتورة سهير العطار على ميدالية فضية سن 74 سنة، في سباق 200 متر حر. والسباح نبيل إبراهيم حصل على فضية المركز الثاني لسن 64 سنة.

في سباق 200 متر حر لسن 79 سنة، فازت السباحة المصرية نجوى غراب بالمركز الثامن. ومن الرجال فاز السباح كرم حبيب بالمركز العاشر. أما سباق 100 متر حر، فحصل محمد صبري حكيم على المركز 26 لسن 44 سنة. وإيناس العطار على المركز العاشر سن 74 سنة.

عاش يا وحوش مصر