ناس كتير مننا بتشخر سواء بشكل دائم أو جزئي، وده بالنسبة لينا عادي جدًا وطبيعي. لكن اللي مش عادي إننا فاهمين الشخير غلط، لأنه طلع بيسبب الجلطات القلبية والوفاة.

الأعراض كتير وإحنا مش بناخد بالنا منها، زي: إنك بتقوم من النوم بعد عدد ساعات كافي، وتحس إنك منمتش. أو بتكون نايم كتير بالليل، وبتنام الضهر. لو بعد الأكل ريحت على الكنبة. أو لما تكون في الشغل وتلقى راسك بتقع. ولو قمت من النوم مفزوع وحاسس بكابوس، ومش عارف فيه إيه. يبقى لازم تتعرض على طبيب فورًا، متخصص في أمراض التنفس وهنقولك ليه.

فيه مرض اسمه "Sleep Apnoea"، (اضطراب النوم). بيسببه انسداد مجرى التنفس اللي ممكن يؤدي لأزمة قلبية، والوفاة كمان. لأن كل ما المجري قفل على القلب، بيحصل زي مجهود زيادة لعضلات القلب. علشان ينبهك إن الأكسجين الواصل للمخ قليل. علشان كده لازم تكشف لو عندك أي أعراض من دي، لأن الموضوع مش بسيط وفي نفس الوقت مش صعب يتحل.