الفترة اللي فاتت انتشر فيديو "رقصة التابوت" بشكل كبير على مواقع التواصل الاجتماعي. وتم استخدام الفيديو في تقديم محتويات كوميدية كتيرة على السوشيال ميديا. فإيه بقى قصة الفيديو ده؟

الرقص بالتابوت يعتبر من طقوس الوفاة في المجتمعات الأفريقية. لاعتقادهم إن تأدية مراسم الرقص، بيدخّل البهجة والسرور على روح المتوفى.

وحسب "سكاي نيوز عربية"، الفيديو المنتشر ده لأحد طقوس الجنائز في غانا. وعلى قد ما الناس بتاخد الموضوع بشكل فكاهي، فالأمر على قدر كبير من الجدية بالنسبة للأهالي والفرقة اللي بتأدي الرقصة.

الفرقة اللي بترقص بالتابوت بتاخد من 600 لـ 800 دولار. وأحيانًا بتأدي رقصات معينة بتطلبها الأهالي، أو يكون المتوفى وصى بيها قبل وفاته. متوسط سعر التابوت في غانا 150 دولار، وبيكون شكله على حسب مهنة المتوفى. لو سواق بيكون التابوت على شكل عربية، لو صياد بيكون على شكل سمكة.

كمان الفرقة مش شرط تكون رجالة بس، ممكن تنضم لهم الستات ويشاركوا في الرقصة. وكل ما زاد عدد أعضاء الفرقة، زاد أجرهم. وبيتم الالتزام بزي موحد للرجالة وزي موحد للستات، اللي بيأدوا الرقصت بحركات متناغمة على إيقاع واحد. وسط حضور كبير من أهالي وأصدقاء المتوفى.