كشف متحف "The Amazing Museum & Art Gallery" في دبي، عن مرحاض (تويلت) ذهبي مرصع بالألماس، بقيمة 1.28 مليون دولار. المرحاض قدمته شركة "Coronet Jewellery"، المتخصصة في تصنيع المجوهرات الماسية.

حصل المرحاض على شهادة أصالة من ممثلي موسوعة "جينيس"، لأكبر عدد من الألماس في وعاء مرحاض. وحسب ما نشر "مونت كارلو"، وضح "آرون شو" رئيس الشركة اللي صممت المرحاض، إن الشركة بتتعامل مع كل عميل كصديق لها. وبتحاول تقدم له خدمة مميزة تنال رضاه. وده السبب الأساسي لتصميم المرحاض.

تم الكشف عن المرحاض الماسي لأول مرة في ​الصين​ سنة 2019. وهيفضل في متحف دبي لفترة مؤقتة. بعد كده هيتنقل لجميع أنحاء العالم، زي غيره من منتجات "جينيس" اللي حققتها شركة "Coronet".

ياترى لو عندك المرحاض ده هيجيلك قلب تستخدمه؟