من وقت للتاني كده، اتعودنا نسمع مواقف غريبة وعجيبة بتحصل بين المتجوزين أو اللي بيفكروا في الطلاق، بس المرة دي بقى إحنا قدام زوج فكر في حل ما يخطرش على بال حد، علشان يخلص بيه من مراته واتحبس هو في الآخر، تعالوا نعرف الحكاية.
بعد مرور حوالي شهرين بس على زواجهم، قرر شاب "هندي" بيع زوجته لرجل عنده "55" سنة مقابل 18 ألف روبية يعني 2668 دولار، واشترى بالفلوس تليفون جديد ووجبات أكل غالية.
الجيران لاحظوا غياب الزوجة عن البيت وكمان أهلها، ولما سألوه كان رده إنها هربت مع راجل تاني، ماحدش صدق كلامه وأهل الزوجة بلغوا الشرطة، وبعد التحقيقات ومتابعة سجل مكالماته الأخيرة، اكتشفوا الحكاية كلها وقبضوا عليه.
قدرت الشرطة تنقذ الزوجة ورجعتها لأهلها تاني، أما الزوج بقى فقال في التحقيقات إنه مبعهاش لكنه رهنها بس علشان يعمل عملية في القلب، طبعًا المحكمة ماصدقتهوش وتم وضعه في مؤسسة خاصة بالإصلاح والتهذيب لإنه عنده 17 سنة.
