مع التطورر التكنولوجي الكبير في حياتنا، والاعتماد على الإنترنت تقريبًا في كل حاجة. أعلنت جوجل عن الاستغناء عن كلمات المرور في الدخول لجوجل كروم، واستبدالها ببصمة الإصبع.

ونشر موقع "تيك رادار" المتخصص في أخبار التكنولوجيا، إن شركة جوجل المالكة لموقعي Gmail وYouTube، هتوقف وصول المستخدمين  للبريد الإلكتروني في الموقعين بكلمات المرور. وهيتم الوصول للحسابات الشخصية عن طريق تسجيل الدخول على جوجل كروم. علشان يكون الأمان تابع للمتصفح مش للموقع، اللي ممكن يُخترق.

كمان وضحت جوجل أنهم هيفعلوا ميزة بصمة الإصبع كبديل لكلمة السر. وعلى الرغم من أنه ده متاح في الأجهزة اللي بتشتغل بنظام أندرويد، إلا إنه لأول مرة هيكون دخولك للبريد الإلكتروني Gmail أو قناتك على اليوتيوب بالبصمة. وبكده نقدر نقول وداعًا لسرقة بياناتك الشخصية.

وعلشان تشتغل عندك ميزة البصمة بديل لكلمة السر، لازم الهاتف بتاعك يكون بيدعم نظام قفل الشاشة ببصمة الإصبع، وبالفعل بدأت جوجل تجرب الميزة الجديدة على أجهزة بيكسل التابعة لها.