كشفت دراسة حديثة إن وجبة الفطار الكبيرة، بتساعد بشكل كبير على حرق الدهون وإنقاص الوزن، أكتر من وجبة الفطار الصغيرة. حسب موقع "سكاي نيوز عربية". ووجدت الدراسة إن معدل حرق السعرات الحرارية، بيكون أعلى بكتير في وجبة الفطار مقارنةً بالعشاء.

السبب في ده يرجع لعملية "التوليد الحراري"، وهي كمية الطاقة اللي بيستهلكها الجسم في هضم الأكل. ولقت الدراسة إن وجبة الفطار الكبيرة، أيًا كانت كمية السعرات الحرارية اللي فيها، بتخلق ضعف التوليد الحراري في الجسم، مقارنة بوجبة العشاء. وده بيأكد على أهمية وجبة الفطار، اللي ناس كتير بتهملها.

اكتشفت الدراسة كمان، إن تناول وجبة فطار أكبر وعشاء أصغر، بيساعد على تقليل الشهية للطعام طول اليوم. بينما العكس، بيزود الشهية، خصوصًا للأطعمة السكرية. النتيجة دي تعتبر خبر سعيد للأشخاص اللي بيعانون من السمنة. وبيحسوا برغبة شديدة في تناول الطعام والسكر طول اليوم. كمان النظام ده مفيد للأصحاء، لأنه بيساعدهم في تقليل وزن الجسم وبيمنع الأمراض الجهاز الهضمي.