معروف دايمًا إن الكلب هو أحسن صديق للإنسان. لكن اللي ماتعرفوش.. إنه أفضل صديق للعمل كمان.

حسب دراسة اتعملت في جامعة إنجلترا المفتوحة، وجود كلب أو قطة في المكتب بيحسن جو الشغل. وبيزود إنتاج الفرد، لأنه بيساعد الجسم على إفراز هرمون "الأوكسيتوسين"، اللي بيحسسك بالاسترخاء والسعادة. مش بس كده، وجود حيوان أليف في مكان العمل بيقلل التوتر. ويخلي الناس متحمسة أكتر للشغل، لأنهم بيحسوا كأنهم موجودين في البيت.

وفي فايدة مهمة جدًا جدًا لوجود كلب معاك في شغلك، إن مديرك أكيد هيفكر مليون مرة قبل ما يعمل أي حاجة تضايقك.