على مدار السنوات اللي فاتت، قدرت شركة صينية إنها تتقدم في مجال استنساخ الحيوانات الحيوانات الأليفة. ونجحت في استنساخ عشرات الكلاب. لكنها مؤخرًا نجحت في استنساخ حاجة مختلفة.. قطة.

وحسب "سكاي نيوز عربي" تواصل شاب مع شركة استنساخ الحيوانات الأليفة، بعد ما فقد قطته في يناير الماضي. وطلب منهم استنساخ قطة شبه الأصلية بالظبط، لإنه مش قادر يستغنى عنها.

بالفعل الشركة أخذت خلايا من القطة الميتة وحطتها في بويضات قطة جديدة، وتم إنتاج 40 جين مستنسخ. ومن 3 حالات حمل نجحت واحدة، واتولدت القطة اللي طلبها الشاب. العملية دي كلفت صاحب القطة حوالي 35 ألف دولار.