في لفتة إنسانية تستحق التحية، قرر الإعلامي شريف مدكور إن هدايا عيد ميلاده الـ 50 ماتكونش تقليدية، فعمل حفلة في بيته وعزم أصحابه وحبايبه، لكن اتفق معاهم إنهم يحضروا فاضين ومايجيبوش هدايا!
"شريف" نسق مع المسؤلين في مستشفى "أهل مصر" لعلاج الحروق بالمجان، وكانوا واقفين على مدخل البيت، علشان يستقبلوا تبرعات ضيوف عيد ميلاد شريف، اللي قرر يجمع من صحابه ثمن الهدية لصالح المستشفى.
وكانت المفاجأة إن المبلغ وصل لـ ١٢٠ ألف جنيه تقريبًا، هيروحوا كلهم لعلاج أهل مصر الطيبين اللي اتعرضوا لحوادث حروق.
يا ريت كلنا نعمل ده في أعياد ميلادنا!
