علشان تونسهم في وحدتهم، أطلقت شركة سبوتيفاي للبث الصوتي والموسيقي على الإنترنت، قوائم موسيقية وصوتية مخصوص للكلاب. علشان يسمعهوها لما يكون أصحابهم برة وسايبينهم في البيت لوحدهم. وده بعد ما اتضح إن حوالي 74 % من اللي بيربوا حيوانات أليفة في بريطانيا، بيشغلوا موسيقى لحيواناتهم.

وحسب "ميدل إيست أونلاين"، القوائم اللي أطلقتها الشركة بتشمل موسيقى هادية، عبارات تدليل، قصص ورسايل طمأنة بيحكيها ممثلين. علشان تخفف توتر الكلاب في حالة وجودهم لوحدهم في البيت.

القوائم كمان بتضم مقاطع مُختارة، حسب سمات الحيوان. وده بعد استطلاع كشف إن 1 من كل 4 من أصحاب الحيوانات الأليفة، بيشغلوا موسيقى لحيواناتهم الأليفة خلال غيابهم. وأكد 42% منهم، إن الحيوانات بتفضل نوع معين من الموسيقى. ومنهم اللي قالوا إنهم شافوا حيواناتهم بترقص على إيقاع الموسيقى.