الحضن له فوائد عظيمة للبشر، منها إنه بيزود هرمون السعادة وبيقلل التوتر والقلق.. وأكتر. ومن هنا وبعد بحث ودراسة في علم الروابط البشرية لمدة 10 سنين، قرر مواطن هندي اسمه "تريغر" استغلال الأمر ده لصالحه ويحوله لـ بيزنس! بس إزاي؟ هتعرفوا في السطور الجاية.
فكر الرجل الهندي في تقديم جلسات لعلاج الناس بـ "الحضن" مدتها ساعة، بيقوم فيها باحتضان أي شخص محتاج لمشاعر الأمان والاحتواء، بمقابل مادي وصل لـ 75 جنيه استرليني يعني حوالي 1700 جنيه مصري.
ووضح إن بعض الناس بيكونوا حاسين بالإحراج والخوف في الأول، لكنه بيعمل مجهود علشان يثقوا فيه، ويكون بالنسبة لهم مكان للراحة والهدوء مش أكتر. حسب موقع "روسيا اليوم".
