متابعة عدد اللايكات والريأكشنز على بوستات الآخرين عمل هوس لناس كتير، فقرر "مارك زوكربيرج" يخلي كل واحد يشوف لايكات البوستات بتاعته بس، ومايقدرش يشوف لايكات أي حد تاني. وده علشان يحافظ على سلامة المستخدمين العقلية.

وحسب موقع "الصباح" فيسبوك حاليًا بيخطط لطرح نسخة تجريبية من الموقع. هيكون موجود فيها خاصية إخفاء عدد الإعجابات على كل البوستس الموجودة. علشان يحافظ على صحة الناس العقلية، ويقلل من رغبة تجميع اللايكات طول الوقت.

الخطوة دي تم تطبيقها بالفعل على إنستجرام، في كندا، اليابان، أيرلندا، إيطاليا، البرازيل، أستراليا، نيوزيلندا. علشان يتم التعرف على نتائجها الأولية. وقدرت الباحثة "جين مانشون وونج"، رصد نموذ أولي لرمز مخفي جوة تطبيق فيسبوك على أندرويد. بيسمح للمستخدمين يشوفوا اللايكات على بوستاتهم، لكن مايقدروش يشوفوها على بوستات غيرهم.