إمبارح السوشيال ميديا كانت مقلوبة على موقف فركشة خطوبة مصطفى ونهال، اللي حصل ببساطة إن بنت اسمها "نهال شعبان" اتعرضت لموقف غريب من نوعه في خطوبتها فقررت تحكيه على واحد من جروبات السوشيال ميديا، وانتشر بسرعة بين المستخدمين.

نهال قالت إن وقت الخطوبة كان في مشاكل بينها وبين خطيبها وأهله، زي أي اتنين. لكنها اتفاجأت بغياب ناس كتير من أهل العريس. ده غير إنه كان أخد منها الشبكة قبل الخطوبة، بحجة إنه هيلبسها لها في القاعة بس ماحصلش. وانتهى الموضوع إنه افتعل مشكلة في الخطوة، وأخد التورتة ومشي. ودي كانت قصتها بالتفصيل:

 

ناس كتير اتعاطفت مع العروسة واعتبروا إن "مصطفى أبو تورته" مش قد المسؤلية. وبدأت موجة كبيرة من السخرية على القصة. لدرجة إن الفنان محمد هنيدي شارك في التريند، ونشر على تويتر صورة له من فيلم (عندليب الدقي)، وكتب عليها "والله كان في تورتة هموت عليها".