زمان قالوا الجواز زي البطيخة يا حمراء يا قرعة! وأنت وحظك بقى، والحقيقة اليومين دول بنسمع عن قصص جواز وطلاق عدت مرحلة البطيخ بكتير، لكن هنعمل أيه سنة الحياة يا جماعة!

ومؤخرًا، قررت فتاة متزوجة عندها 27 سنة، ترفع قضية خلع على جوزها في الشهور الأولى من جوازهم، والسبب ماكنش خيانة ولا بخل ولا حتى إنه بينسى ياخد معاه كيس الزبالة وهو نازل! لكنه وعدها في فترة الخطوبة "فرحة البدايات"، إنهم هيقضوا شهر العسل في دهب لكن وقت الجد راحوا العين السخنة.

صحيح المكانين حلوين ويبسطوا، لكن الزوجة اعتبرت الأمر ده نوع من الكذب ولازم تلحق نفسها بدري بدري وتخلع من الجوازة، وفعلًا ماكدبتش خبر وراحت لمكتب إيمان صالح، المحامية والمختصة بقضايا الأسرة والأحوال الشخصية، وطلبت منها ترفع دعوى خلع على زوجها بعد ما اتأكدت إنها مش هتقدر تعيش معاه تاني.

قضية "وداني العين السخنة بدل دهب في شهر العسل"، موجودة دلوقتي قدام المحكمة وفي حكم القاضي.

حدث بالفعل.. زوج باع مراته واشترى بثمنها تليفون محمول ووجبة