الفنان حمدي الوزير أيقونة كوميكس التحرش على السوشيال ميديا، قرر أنه يستغل شهرة شخصيته من فيلم "قبضة الهلالي"، ويقدمها بشكل مركز أكتر في فيلم جديد اسمه "المتحرش". يعني هيعلي على نفسه من كتر من الناس علت عليه.

وحسب موقع "خبر أبيض" الوزير قرب يخلص قصة الفيلم، اللي بدأ كتابتها من حوالي سنة. بعد ما لاحظ الضجة الكبيرة لشخصية المتحرش، اللي اتشهر بها على السوشيال ميديا. ومستني الاتفاق مع منتج عشان يبدأ يصور.

قال كمان أنه مش مضايق من انتشار الكوميكس الكوميدية عليه، ووضح إنها كانت السبب الأساسي إنه يفكر في تحويلها لفيلم سينمائي. ووعد جمهوره إنهم هيشوفوا مفاجأت كتير وهينبسطوا.