اتعرضت هالة مقبل، حفيدة الزعيم عادل إمام، لبعض التعليقات السلبية على السوشيال ميديا، وده بعد نشرها فيديو على حسابها بموقع "تيك توك"، ظهرت خلاله بتقلد جدها في مشهد من مشاهد مسرحية "مدرسة المشاغبين"، الأمر اللي دفعها لحذف الفيديو.

 
 
 
 
 
View this post on Instagram
 
 
 
 
 
 
 
 
 
 
 

A post shared by ET بالعربي (@etbilarabi)

 

وفي أول لقاء إعلامي لها مع برنامج ET بالعربي، أكدت هالة إنها اتفاجأت بالتعليقات اللي بتقول إنها عملت الفيديو علشان تدخل مجال التمثيل، وقالت ماكنش في بالي حاجة خالص وأنا بعمله، والناس مش واخدة بالها إنها ممكن تكون بتشتم حد صغير مش متعمد حاجة معينة، ولو حد شتم عيالهم هينزلوا يموتوهم في الشارع.

وعن رد فعل الزعيم على مشاهد تقليده، قالت إنه شافها وعجبته وضحك عليها، وقالت كمان إن عادل إمام بيتعامل مع كل واحد من أحفاده بطريقة مختلفة.

فيلم "مرجان أحمد مرجان" ومسلسل "صاحب السعادة" و "عوالم خفية"، أكتر الأعمال اللي بتحب تتفرج عليها هالة لجدها، ووضحت كمان إن هوايتها الأساسية هي الرسم لكنها بتابع السينما العالمية.