دايمًا الفنانين بيتعرضوا لانتقادات أو مضايقات على السوشيال ميديا. سواء بسبب أعمالهم أو لبسهم أو حياتهم الشخصية. في منهم اللي بيتجنب التفاعل مع النوع ده من المضايقات ويتجاهلها. وفي نوع ثاني بيرد الضربة اتنين زي ما بيقولوا. وأحمد فهمي من النوع الثاني.

الفنان أحمد فهمي مابيسبش حقه لو حد انتقده أو كتب تعليق ماعجبوش. اليومين اللي فاتوا نشر صورة على إنستجرام، وهو واقف على البحر في سيناء، ماسك في إيده مشروب. متابعين كتير خمنوا إنه بيشرب خمرة، ومن هنا قامت الخناقة.

 

 

فهمي قرر يكمل الحفلة ونشر صورة تانية، بس المرة دي كان في إيده مياه. وكتب "هتقولوا على المية اللي في إيدي إيه بقى.. فودكا!!.. ولا هتقولوا مية عادي.. بس هتشتموا عشان مش زمزم". والأمر طبعًا ماسملش من حرب التعليقات.

 

دي مش أول مرة فهمي يدخل في نقاش حاد مع متابعيه. زي ما حصل لما علق واحد من المعجبين على مسلسله "الواد سيد الشحات".

 

 

 

 

 

أما بالنسبة لخطيبته هنا الزاهد، فالموضوع بياخد مرحلة تانية خالص.

ده كان جزء بسيط من تعليقات النجم أحمد فهمي على المعجبين على السوشيال ميديا.. ليه كده يا نجم؟