هو الشتاء إيه غير برتقال ويوسفي وشوية فاكهة تانيين كده على جنب! طول عمرنا اتعودنا ناكل أنواع فاكهة معينة في الشتاء ونهمل أصناف تانية، مع إن قدامنا فواكه فيها نفس الفيتامينات والعناصر الغذائية اللي جسمنا بيحتاجها في الموسم ده.

تعالوا نتعرف في السطور الجاية على 3 فواكه مهمين لصحة جسمك في الشتاء.

غير إنه بيحتوي على نسبة عالية من الألياف الغذائية والبوتاسيوم والكربوهيدرات، اللي هتحسسك بالشبع لفترات طويلة، يعتبر كمان وجبة خفيفة مثالية لجوع آخر الليل. والأجمل بقى إنه بيحسن المزاج لاحتوائه على مادة "التربتوفان"، المسؤولة عن إفراز هرمون السعادة.

غني بالحديد والمغنيسيوم وفيتامين سي، قشرة الرمان بتساعد على سرعة التئام الجروح ومضادة للاتهابات، سواء كلته أو شربته عصير جسمك كده كده هيستفاد، بيمتيز الرمان كمان بتركيبة داخلية تسمح بتخزينة طول فترة الشتاء من غير ما يتعرض للتلف.

طبعًا المشمش فاكهة بنشوفها في الصيف كل فين وفين، لكن المشمش المجفف هيكون البديل له في الشتاء، لإنه بيحتفظ بكل العناصر المهمة الموجودة فيه زي: "الكالسيوم، الفوسفور، البوتاسيوم، فيتامين سي".

اهتموا بتناول الفواكه اللي فاتت باستمرار علشان تحافظوا على صحتكم في الشتاء.