من خلال حسابه الشخصي على "إنستجرام"، نشر المخرج بيتر ميمي البوستر الدعائي لفيلم "موسى"، اللي هيقوم ببطولته الفنان كريم محمود عبد العزيز، واللي نقدر نعتبره أول فيلم خيال علمي مصري بيقوم ببطولته "روبوت" بنفس مستوى الأفلام الأمريكية.. تعالوا نتعرف أكتر على الفيلم ده:
1- بحسب صناع الفيلم، "موسى" هو أول فيلم بيقدم قصة "روبوت" في السينما المصرية والعربية.
2-أحداث الفيلم بتدور عن طالب في كلية هندسة، بيخترع "روبوت" علشان يساعده في أمور شخصية، ولكن الأمور بتتعقد وبتخرج عن السيطرة.
3- الفيلم هدفه استخدام تقنيات مختلفة في السينما المصرية، علشان كده استمر بيتر ميمي في تحضيره وكتابته مع المتخصصين حوالي 4 سنين، وتصوير المشاهد بدأ في شهر أكتوبر اللي فات.
View this post on Instagram
4- تم رصد تكلفة مالية إنتاجية ضخمة للفيلم، وبيشارك في إنتاجه 3 من أكبر شركات الإنتاج السينمائى في مصر والعالم العربى، وهم "سينرجى فيلمز"، "نيوسينشري"، "أفلام مصر العالمية"، وهتقوم شركة "دولار فيلم" بتوزيعه داخل مصر.
5- بيشارك في بطولة "موسى" نجوم كتير منهم: إياد نصار، أسماء أبواليزيد، سارة الشامي، محمد جمعة، وصلاح عبدالله. الفيلم تأليف وإخراج بيتر ميمي.
