يلا نعرف أفلام الأسبوع ده، 11 ديسمبر، في سينمات القاهرة:

Jumanji: The Next Level

الفريق رجع من تاني، لكن اللعبة اتغيرت. والمرة دي لازم ينقذوا واحد منهم. من الصحاري الواسعة لجبال التلج، الأبطال هيعملوا المستحيل علشان يفوزوا في اللعبة الخطيرة.

Judy

بعد شوية مشاكل مالية، الفنانة الأسطورية "جودي جارلاند"، بتروح لندن في شتاء 1968. علشان تحيي عدد من الحفلات الاستعراضية الكبيرة.

10 Minutes Gone

مجرم بيتعرض لحادثة بتفقده الذاكرة، بعد عملية سطو فاشلة على بنك. بعدها بيحاول يعرف مين السبب في تعريض حياته للخطر.

The Work Wife

بعد فترة صعبة، "شون" بيلاقي وظيفة أحلامه في شركة إعلانات كبيرة. لكن حياته الزوجية بتتحول لجحيم، لما المساعدة بتاعته في الشغل، تبدأ تُعجب بيه.

Black Christmas

مجموعة من البنات بيطاردهم قاتل مجهول خلال أجازة الكريسماس. لحد ما يكتشفوا إن الأمر جزء من مؤامرة خفية في الكلية.

بيت ست

الملك "ست" إله الشر عند المصريين، بيرجع تاني للحياة. علشان يحكم البشر ويسيطر عليهم.

استدعاء ولي عمرو

عمرو تلميذ في مدرسة، بيتم استدعاء باباه بسبب المشاكل. في نفس الوقت باباه وماماته بيمروا بشوية مشاكل كوميدية.

ويك إند سعيد.