يلا نعرف أفلام الأسبوع ده، 19 فبراير، في سينمات القاهرة:

Fantasy Island

مجموعة من الأصدقاء بيسافروا لجزيرة استوائية، بيلاقوا فيها كل حاجة ممكن يتخيلوها. علشان يقضوا وقت ممتع هناك. لكن لما أفكارهم بتتحول لحقيقة، وقت الاستمتاع بيتحول لكابوس مرعب.

The Room

زوجين بيشتروا بيت جديد، ويكتشفوا جواه أوضة غريبة يقدروا من خلالها يحققوا أحلامهم. الزوجة اللي مابتخلفش اتمنت طفل. بس لما بييجي الطفل بيخليهم يعيدوا حساباتهم في اللي هيتمنوه بعد كده.

Brahms: The Boy 2

أسرة بتسكن في قصر كبير ومنعزل اشتروه مؤخرًا. في يوم ابنهم بيلاقي في الغابة عروسة لعبة على شكل طفل، وبيقرر يعيش معاه في البيت. لكن مع الوقت بيكتشفوا الطفل ده مش مجرد لعبة.

صندوق الدنيا

الفيلم بيدور في إطار درامي، عن منطقة وسط البلد. والقصص الإنسانية اللي المؤثرة فيها.

Kill Chain

عملية إطلاق نار في أحد الفنادق، بتأدي لعدد كبير من الجثث. وبتورط حياة 3 أشخاص مايعرفوش بعض، في سلسلة أحداث خطيرة، هم مش طرف فيها.

Astro Kid (Terra Willy: Planète inconnue)

لما سفينة الفضاء الخاصة بيهم بتتدمر، الطفل "تيري" بينفصل عن أهله. والكبسولة بتاعته بتروح لكوكب بعيد وغريب. هناك بيتعرف على روبوت بيساعده، لحد ما سفينة الإنقاذ تجيله.

ويك إند سعيد.