يلا نعرف أفلام الأسبوع ده، 20 نوفمبر، في سينمات القاهرة:

21 Bridges

محقق في شرطة نيويورك بيطارد 2 من المجرمين، بيقتلوا أفراد الشرطة. بعد ما يكتشف مؤامرة خطيرة بتتم في المدينة.

Frozen 2

أبطال الفيلم بينطلقوا في مغامرة جديدة، بيسافروا فيها لغابة بعيدة في أرض مسحورة. علشان يعرفوا مصدر قوة "إلسا"، ويقدروا ينقذوا مملكتهم.

Last Christmas

"كيت" بنت حياتها مليانة مشاكل وقرارات غلط، بتضطر تشتغل كـ "سانتا" في واحد من المحلات بمناسبة الكريسماس. وهناك بتقابل "توم"، اللي بيغير حياتها تمامًا للأفضل.

Charlie’s Angels

لما يظهر خطر تكنولوجي كبير بيهدد حياة الناس، بسبب واحد من مهندسين أنظمة الكمبيوتر، بتظهر "ملائكة تشارلي" علشان يتصدوا للخطر وينقذوا العالم.

Behind The Trees

حبيبين بيروحوا يقضوا أجازة رومانسية في البراري الهندية، وهناك بيشوفوا عملية استخراج أرواح لبنت عندها 11 سنة. فبيحاولوا ينقذوها.

أي فيلم قررتوا تبدأوا بيه؟