أخيرًا وبعد سنين، نجمة مسلسل Friends الشهير، "جينيفر أنيستون" عملت حساب على إنستجرام. وأول صورة نشرتها هي صورتها من أبطال المسلسل متجمعين. وكتبت على الصورة "ودلوقتي بقينا أصحاب على إنستجرام كمان. هاي إنستجرام".
دلوقتي وخلال يوم واحد بس من إنشاء حسابها، "أنيستون" بقى عندها أكتر من 6 مليون متابع. وحصدت صورة أبطال المسلسل أكتر من 8 مليون إعجاب. وده مش غريب على صورة بتجمع أكتر 6 شخصيات أتعلقنا كلنا بيهم، على مدار 10 مواسم من أشهر مسلسل سيت كوم على الإطلاق.
