يا ليلة العيد آنستينا.. دايمًا في العيد الليل أحلى مع السينما. العيد ده جي ومعاه 4 أفلام جديدة، تقدر تختار اللي بتحبه حسب رغبتك. خاصة أن الـ 4 أفلام أقوى من بعض، في ظل منافسة النجوم كريم عبد العزيز وأحمد حلمي وأحمد عز للحصول على المقدمة.

- الفيل الأزرق 2

الفيلم بالفعل نزل السوق بدري عن ميعاده، زي ما بيقولوا علشان ياكل الجو. بعد نجاح الجزء الأول بشكل مبهر. الفيلم من بطولة النجم كريم عبدالعزيز، نيللي كريم، هند صبري وإياد نصار. وهو مأخوذ من رواية الكاتب أحمد مراد، والإخراج لمروان حامد.

- ولاد رزق 2

الجزء الأول لقى نجاح كبير جدًا وعمل ضجة، والجزء التاني هيكون بعنوان "عودة أسود الأرض". الفيلم بطولة أحمد عز، أحمد الفيشاوي، وعمر يوسف، أحمد داوود، خالد الصاوي، باسم سمرة. ومن تأليف صلاح الجهيني وإخراج طارق العريان.

- خيال مآتة

عودة بعد غياب 3 سنوات للفنان أحمد حلمي، علشان ينافس في موسم عيد الأضحى، بفيلم بيشاركه البطولة فيه خالد الصاوي، منه شلبي، بيومي فؤاد. وهو من تأليف عبد الرحيم كمال والإخراج لخالد برعي.

- الكنز 2

النجاح اللي حققه الفيلم في الجزء الأول، خلى المنتج يسعى للجزء الثاني علشان يكمل سلسلة النجاح. الفيلم بطولة محمد رمضان، محمد سعد، هند صبري، روبي، أمينة خليل، وأحمدرزق. ومن تأليف عبد الرحيم كمال وإخراج شريف عرفة.