طرحت الشركة المنتجة لفيلم "200 جنيه"، البرومو الرسمي للفيلم، والمقرر عرضه في السينمات، يوم 25 أغسطس الجاي، بعد ما تم تأجيله أسبوع.

حدوتة الفيلم بتحكي 8 قصص مختلفة، أبرزها "جمعية" مسئولة عنها "إسعاد يونس"، وبيشترك فيها عدد كبير من سكان المنطقة الشعبية اللي بتعيش فيها، اتسرق منها 200 جنيه، ورقة الـ 200 جنيه دي بتعدي على كل شخصيات الفيلم، بمختلف طبقاتهم الاجتماعية.

بيشارك في بطولة الفيلم عدد كبير من الفنانين، زي: ليلى علوي، عمرو عبد الجليل، خالد الصاوي، أحمد رزق، محمد فراج، ملك قورة، مي سليم. ونجوم تانين، بجانب عدد من ضيوف الشرف منهم آسر ياسين، أحمد السقا. "200 جنيه" من تأليف أحمد عبد الله، وإخراج محمد أمين.