لمساعدة كل الأسر خلال فترة الحجر الصحي وتشجيعهم على القعدة في البيت، قررت مجموعة قنوات روتانا إطلاق قناة "روتانا Kids" الخاصة بالأطفال. واللي هتبدأ بثها أول شهر إبريل الجي.
خريطة برامج القناة هتقدم محتوي ترفيهي وتعليمي لأطفال العالم العربي. وهتشمل أشهر وأفضل الإنتاجات العربية والعالمية، علشان تقدمها للأطفال اللي بتتراوح أعمارهم بين 3 و 12 سنة.
محتوى القناة هيتم تقديمه بالكامل باللغة العربية الفصحى. وبجانب البرامج اللي تم إنتاجها باللغة العربية، تم دبلجة بعض الأعمال الأجنبية. اللي اختارتها القناة بعناية علشان تناسب الأطفال.
ومن أهم البرامج اللي هتقدمها القناة (افتح يا سمسم - صغار ستار - موجلي فتى الأدغال - مغامرات ماهر - تنانين كاسلون - أبطال الكرة الحرة - العودة إلى جزيرة الكنز) وغيرهم.
القناة هتكون متاحة مجانًا للمشاهدين من خلال من موقع روتانا الإلكتروني، ومنصات شركات الاتصالات المعتمدة رسميًا من روتانا في منطقة الشرق الأوسط وشمال إفريقيا.
