وصل للقاهرة عدد من فريق عمل فيلم "A Day to Die"، استعدادًا للعرض الخاص للفيلم، اللي هيقام النهارده الأربعاء، في واحدة من سينمات القاهرة.
وقام الفنان محمد كريم أحد أبطال الفيلم، بترتيب جدول زيارات لفريق العمل المكون من ليون ريبونسون، بروك باتلر، والمخرج ويز ميللر، بعد وصولهم للقاهرة، وقاموا بجولة في شوارع القاهرة القديمة، ما بين الحسين وشارع المعز، وعبروا عن سعادتهم بوجدهم في المناطق الأثرية مع الشعب المصري اللي سمعوا عنه كتير، واللطيف إنهم طلبوا من "كريم" التواجد في الأماكن العامة مش في الأماكن اللي هتعاملهم كا سياح.
مش بس كده، من شوية زاروا منطقة الأهرامات وأبو الهول ومزارات المنطقة الأثرية هناك، وحضروا معرض "Pyramids Air Show"، اللي بيصادف تواجده الأيام دي في الأهرامات، ومن المقرر يزوروا مدينة الإنتاج الإعلامي ومناطق التصوير المفتوحة، بعدها هيستمتعوا برحلة نيلية.
نسيبكم مع الصور:
