بعد عرضه الأول ضمن فعاليات مهرجان الجونة السينمائي في دورته الـ 5، واللي انتهت من أيام قليلة، اتفق صناع فيلم "قمر 14" على طرحه في دور العرض السينمائية بمصر والدول العربية، يوم 29 ديسمبر الجاي.

فيلم "قمر 14" بينتمي لنوعية الأفلام الرومانسية، بتدور أحداثه حول 5 حكايات مختلفة بأبطال مختلفين، وبنشوف تأثير ليلة اكتمال القمر على قرارات الأبطال في علاقتهم مع الطرف اللي بيحبوه.

الفيلم واجه بعض الانتقادات من نقاد ومهتمين بالسينما، بسبب تشابه فكرته مع فكرة فيلم هيبتا، لكن صناع الفيلم نفوا التشابه ده، ووضحوا إن الفيلم له رسالة أساسية مختلفة عن أي فيلم اتعرض قبل كده في السينما.

بيشارك في بطولة "قمر 14"، عدد من النجوم منهم: خالد النبوي، أحمد الفيشاوي، شيرين رضا، غادة عادل، أحمد مالك، ياسمين رئيس، أحمد حاتم، خالد أنور، عارفة عبدالرسول، مي الغيطي، أسماء أبو اليزيد، أحمد بدير، محمد مهران، ونجوم أكتر.