بعد أكتر من تجربة مصرية ناجحة في السنوات الأخيرة، هيتجمع مجموعة كبيرة من نجوم الصف الأول في فيلم واحد، وهو فيلم "شلة ليبون" وده اسمه الجديد بعد تغييره من "الصحبة الحلوة".
في السطور الجاية هنعرفكم أكتر على الفيلم:
- الفيلم من إخراج ساندرا نشأت واللي راجعة للسينما بعد غياب 8 سنين.
- الفيلم بيحكي عن شلة أصدقاء كانت لهم علاقات قوية وقت الطفولة والدراسة، بيتجمعوا في ساحة علشان يعملوا لعبة من ألعاب القمار، وبتعرض الأحداث قصة كل واحد فيهم.
- رصدت الشركة المنتجة ميزانية كبيرة للإنتاج علشان يخرج بمستوى عالي.
- من المقرر تصوير المشاهد الأولى من الفيلم في آخر شهر يناير الجاي، بعد الانتهاء من مرحلة التحضيرات ومعاينة أماكن التصوير.
- لحد اللحظة دي مش معروف القائمة النهائية للنجوم، لكن تم الإعلان عن التعاقد مع النجوم أحمد السقا، أحمد عز، ماجد الكدواني، منة شلبي، غادة عادل، روبي، ولسه جاري التعاقد مع باقي الفنانين.
