بعد 3 سنوات غياب عن السينما، الفنان أحمد حلمي راجع بفيلمه الجديد "خيال مآته"، في موسم أفلام عيد الأضحى. وقصته عن مجموعة شباب بينفذوا عملية سرقة مع بعض ويتفرقوا، بعدها بيرجعوا يتجمعوا تاني بعد 30 سنة، علشان يفتكروا أحداث السرقة اللي عملوها في شبابهم. وفي السطور اللي جاية 5 معلومات خاصة بالفيلم:

1- منه شلبي وحسن حسني وخالد الصاوي، بيظهروا من جديد مع أحمد حلمي. بعد غياب كبير.

2- أحمد حلمي هيظهر بشخصيتين لأول مرة.

3- بعد (عسل اسود – لف ودوران – آسف على الإزعاج – بلبل حيران)، خيال مآته هو التعاون الخامس بين أحمد حلمي والمخرج خالد مرعي.

4- اسم الفيلم كان "شباك رزق" واتغير لـ"خيال مآته". وتقريبًا بسبب الجزء التاني من فيلم "ولاد رزق".

5- لأول مرة حلمي بيتعاون مع المؤلف عبد الرحيم كمال والفنان القدير عبد الرحمن أبو زهرة.