الفنانة أروى جودة من أكثر الفنانات اللي لفتت انتباه كل متابعين مهرجان الجونة السينمائي الدولي السنة دي، وده من خلال طلتها وفساتنيها اللي كانت محل جدل خلال  الـ 3  أيام الأولى من فعاليات المهرجان، بس بعيدًا عن الكلام عن الفساتين، فيه موقفين مهمين يستحقوا نتكلم عنهم واجهتهم أروى في الساعات الأخيرة.. تعالوا نعرفهم.

 

انبهار زيدان وزوجته بجمالها

فنانين كتير اتصوروا صور لذيذة مع بعض على الريد كاربت، لكن صورة زيدان مع أروى كانت مختلفة شويتين، اللي حصل إنه في نفس تواجد لاعب المنتخب السابق محمد زيدان وزوجته على الريد كاربت، أروى كانت موجودة، وبطريقة تلقائية أنبهر زيدان بجمالها وكمان زوجته ظهرت عليها علامات الإعجاب، والحقيقة الصورة الجماعية دي تتصنف من أحلى صور المهرجان لحد دلوقتي.

 

تنمر شركة تجميل على جسمها

كنوع من التسويق الفاشل، نشرت شركة منتجات تجميل على "إنستجرام"، صورة لـ أورى من صورها في المهرجان، وكتبت عليها كلام سخيف معناه، اشترى منتجاتنا علشان ما يكونش عندك سولوليت زي اللي عند أروى.

ولحسن الحظ إن أروى شافت "البوست" ده، وردت عليه بنفسها بمنتهى الثقة بالنفس والهدوء والذكاء، لكن الجميل في الموضوع أكتر إن الصفحة شالت "البوست" كله بعد ما عرفت غلطتها.

بنحبك يا أروى!