من سنين طويلة وإحنا من أهم طقوس الأعياد عندنا سواء العيد الصغير "الفطر" أو الكبير "الأضحى"، مشاهدة المسرحيات الكوميدية القديمة على التليفزيون، وطبعًا مسرحية "مدرسة المشاغبين" على رأس القائمة، واللي السنة دي هنتفرج عليها لكن بشكل جديد خالص.

 

هنشوفها لأول مرة بالألوان! أيوة، أنت قرأت صح، منصة شاهد أعلنت بشكل رسمي عن عرض مسرحية مدرسة المشاغبين بالألوان وبأحدث التقنيات الجديدة، لأول مرة للجمهور، وده بعد 47 سنة من عرضها المستمر بالأبيض والأسود، وكانت اتعرضت لأول مرة في أكتوبر 1973.

"مدرسة المشاغبين" بطولة عدد كبير من النجوم الكبار وهم: عادل إمام، سعيد صالح، أحمد زكي، هادي الجيار، يونس شلبي، حسن مصطفى، سهير البابلي، نظيم شعراوي، تأليف علي سالم. إخراج مسرحي جلال الشرقاوي. إخراج تليفزيوني عبدالله الشيخ.

ياترى هنحبها بالألوان أكتر ولا أبيض وأسود زي ما اتعودنا نشوفها؟

تقدروا تشتركوا في المنصة من هنا.