إمبارح رحل عن عالمنا الفنان طلعت زكريا، وعمره 59 سنة. بعد تدهور حالته الصحية وصراع طويل مع المرض. 

كوميديا غير عادية قدمها الفنان الراحل، من بداية مشواره سنة 1984 لحد آخر أعماله. قدر من خلالها يرسم الضحكة على وشوش الملايين من غير أفورة أو إسفاف. وبالرغم من إن أدواره معظمها ثانوية، إلا إنه كان بيعتبر تميمة نجاح أي عمل بيشارك فيه.

في الفترة الأخيرة زادت جماهيرية طلعت زكريا، بانتشار إيفيهات أفلامه في الكوميكس على السوشيال ميديا. آخرها كانت جملة "مش حوار يعني"، من فيلم (اوعى وشك). واللي كانت لايقه على مواقف كتير بنشوفها في حياتنا اليومية. علشان كده هيفضل حاضر بينا بتلقائيته وخفة دمه.

تعالوا نفتكر أشهر إفيهات طلعت زكريا اللي متعنا بيها السنين اللي فاتت:

"كولسلو إيه، انت فاكر نفسك بتلعب في مركز شباب ليفربول" من فيلم أبو علي.

"كنت لسه هعملكوا شاي بس مفيش بن" من فيلم أبو علي.

"هوب دبل كيك شقلطوه قدامي" من فيلم إوعى وشك.

"قول حاحا" من فيلم التجربة الدنماركية.

"انت مانع الفرحة تخش التاكسي" من فيلم سيد العاطفي.

"حضرتك متكهرب ملمس أرض يعني" من فيلم قصة الحي الشعبي.

"أنا ضارب باكتتين بانجو علشان أقدر أتوازن" من فيلم خالتي فرنسا.

"الواحد ﻣﻤﻜﻦ يتجوز ﻭﺍﺣﺪﺓ ﻏﻠﻄﺖ ﻣﺮة قبله، ﻟﻜﻦ مش يتجوز ﻭﺍﺣﺪﺓ ﻏﻠﻄﺖ ﻣﻊ ﺳﻜﺎﻥ ﺍﻟﻘﺎﻫﺮﺓ ﻭﺿﻮﺍﺣﻴﻬﺎ، ﻭﻋﻠﻰ ﺍﻟﻤﻘﻴﻤﻴﻦ ﺧﺎﺭﺟﻬﺎ ﻣﺮﺍﻋﺎﺓ ﻓﺮﻭﻕ ﺍﻟﺘﻮﻗﻴﺖ" من فيام حاحا وتفاحة.

"ريحة الخروف اللي بيتشوي مجننة أمي" من فيلم حريم كريم.