صرح الفنان بيومي فؤاد بإن مسلسل "رجالة البيت" اللي بيشارك في بطولته، ماكنش على قدر توقعات الجمهور. وإن أزمة فيروس كورونا اتسببت في تغيير شكل المسلسل كله.

ووضح "فؤاد" خلال حواره مع موقع "العربية"، إن الممثلين كانوا خايفين خلال التصوير من فيروس كورونا. وكان لازم يختاروا بين استكمال التصوير أو وقفه. وبناء عليه كان في مشاهد خارجية المفروض تتصور واتلغت، علشان كده معظم مشاهد المسلسل اتصورت جوة البيت.

كمان إن كان فيه اقتراح بأن المسلسل يكون 15 حلقة بس، لكن لأسباب إنتاجية كملوا التصوير. خاصة أن العمل كان خلاص تم تسويقه وبيعه للقنوات. كل التغييرات والمشاكل دي حولت المسلسل لاسكتشات، ومابقاش فيه خط درامي تمشي عليه الأحداث. وبالتالي ظهر بالشكل ده.

وفي النهاية اعتذر بيومي فؤاد للجمهور عن مستوى المسلسل وقال "المسلسل غير مُرضي وأنا بعتذر للناس.. لكل جواد كبوة.. مش هنلف وندور إحنا آسفين كنا سخفا ودمنا تقيل، بس والله العظيم كل حاجة أتغيرت وكان في مشاكل ورعب كتير".