مع انتشار فيروس كورونا في كل مكان، ناس كتير بدأت تلتزم بالقعدة في البيوت. الكل بيحاول يحافظ على صحته وصحة غيره. وفي وسط حملات التوعية في كل مكان، نجوم كتير حسوا بمسؤليتهم تجاه المجتمع. ولعبوا دور مهم من خلال حساباتهم على السوشيال ميديا، في توعية المواطنين باتباع إجراءات السلامة. تعالوا نعرف قالوا إيه:

تامر حسني

النجم تامر حسني كان ومازال على رأس قائمة الفنانين، اللي طول الوقت بيوجهوا نصائح لحماية سلامة المواطنين. عبّر عن تعجبه من خروج بعض الناس للشوارع والمولات، رغم منحهم أجازة لحصر المرض. ونصح الجميع بالتفاؤل والبعد عن التشاؤم، لإنه يجذب الأفكار السلبية وبيقربها.  

 

فتحي عبد الوهاب

بطريقته الكوميديه المعروفة، حاول الفنان فتحي عبد الوهاب يقلل حالة الرعب والخوف اللي عند الناس. واستعان بكوميك مشهور من أحد أفلامه، واستغله في التوعية بلبس الكمامة والجوانتي.

 

إليسا

 

نشرت الفنانة اللبنانية على صفحتها على تويتر مقطع فيديو انتشر الأيام اللي فاتت، لأغنيتها "كرهني" واللي اعتبرها البعض أفضل طريقة لتجنب الإصابة بعدوى كورونا. وأكدت في تويتة تانية إن كورونا مش نكتة. ونصحت جمهورها بالبقاء في البيت، علشان سلامتهم وسلامة اللي بيحبوهم.

 

أحمد حلمي

 
 
 
 
 
View this post on Instagram
 
 
 
 
 
 
 
 
 

ياجماعه بلاش خروج ولو اضطريت تخرج يبقي بلاش تسلم .. وان اضطريت تلسم يبقي بلاش تبوس .. وان اضطريت تبوس اجري

A post shared by Ahmed Helmy (@ahmedhelmy) on

بمشهد من فيلمه "عسل أسود"، نصح النجم أحمد حلمي جمهوره، بعدم الخروج أو السلام أو البوس اليومين دول. وقال بطريقة ساخرة "لو اضطريت تبوس أجري".

 

نيكول سابا

 

 

من خلال حسابها على تويتر، نصحت نيكول المواطنين بضرورة عدم الخروج من البيت. علشان المجهود مايروحش هدر.

 

راغب علامة

ناشد الفنان راغب علامة جمهوره بالبقاء في البيت، كجزء من الحملة اللي بيقوم بيها الإعلام اللبناني، تحت شعار (خليك بالبيت). واقترح لعب الرياضة ومشاهدة الأفلام وممارسة كل وسائل التسلية في البيت.

افتكروا دايمًا إن صحتكم أهم.