في الساعات الأخيرة، انتشرت تفاصيل أزمة فنية جديدة على السوشيال ميديا، بسبب موقف كشفت من خلاله الفنانة رحاب الجمل إن أحد الفنانين المشاركين معاها في فيلم "الديك العياط"، اتعامل مع الفريق بشكل غير لائق، وقام بتصرفات غير مقبولة في اللوكيشن.

تعالوا نعرف إيه الحكاية من البداية للنهاية:

1- كتبت الفنانة رحاب الجمل تغريدة على تويتر، بتحكي فيها إن أحد الفنانين المشاركين معاها في الفيلم الأخير، قام بإهانة زمايله وقام بتصرفات غير لائقة في اللوكيشن، لكن مقالتش مين هو، لكن الكل خمن إنها تقصد باسم سمرة.

2- رحاب قالت إنها مش هتسكت، وهتقدم بلاغ للنائب العام، وطالبت نقابة الممثلين بفتح تحقيق في الواقعة دي.

3- لكن باسم سمرة نفى إنه الفنان المقصود، وكمان هاجم رحاب الجمل وقلل منها في تصريحات اعتبرها البعض مسيئة.

4- أشرف زكي نقيب الممثلين، كان متابع الموقف وقال إنه مش هيسمح بإن قضايا الفنانين تكون على السوشيال ميديا، وطلب من رحاب الجمل لو عندها مشكلة تكتب مذكرة للنقابة وهيتم التحقيق فيها فورًا.

5- وعلى عكس اللي ناس كتير كانت متوقعاه، حصلت قعدت صلح بين الطرفين في وجود أشرف زكي، لكن صور قعدة الصلح نفسها اتحولت لكوميكس ساخر على وسائل التواصل الاجتماعي، وزي ما الأزمة كانت تريند، أصبحت صور الصلح تريند هي كمان