طرحت شركة "بي برودكشن" البوستر الرسمي لمسلسل "شقة "6" ، بطولة روبي وأحمد حاتم، والمقرر عرضه خلال الأيام الجاية على منصة "شاهد" الإلكترونية.

 

 
 
 
 
 
View this post on Instagram
 
 
 
 
 
 
 
 
 
 
 

A post shared by Shahid (@shahid.vod)

 

المسلسل بيتكون من 15 حلقة، أحداثه بتدور في إطار من الرعب والإثارة والتشويق، وده اللي هنشوفه في "شقة 6" اللي بتدور جواها أجواء مرعبة، بيتفاجئ بيها كل سكان العمارة، وبيعيشوا طول الوقت في حالة خوف رعب.

وبتجسد روبي دور جديد ومختلف عن أعمالها السابقة، كواحدة من سكان العمارة المرعبة، وهتكشف الحلقات تواصلها مع عوالم خارقة للطبيعة، بتجعلها تعرف أسرار وحقايق مهمة هتغير مسار الشخصيات، وبتكشف اللغز في النهاية.

بيضم المسلسل، عدد من النجوم منهم: كوكي مجدي "شقيقة روبي"، واللي بتقوم بدور دكتورة، وهيكون ليها ظهور خاص في الحلقات الأخيرة،  بجانب سيد رجب، شريف سلامة، صلاح عبد الله، محمود البزاوي، هاني عادل، أحمد بدير، رحاب الجمل، ملك قورة.

كتب السيناريو والحوار "رفيق القاضي- سعاد القاضي- محمود وحيد- نبيل شعيب"، وقام بالإخراج محمود كامل.