بعد النجاح اللي حققته فرقة "تو تشيلوس"، هيبدأ الفنان العالمي "هاوزر" جولته الأوروبية الأولى في 2020. ومن ضمنها حفلته في مصر لأول مرة، اللي هتكون في سوما باي الغردقة، يوم 18 إبريل. وأسعار تذاكرها: 1500 - 2500 - 3500 جنيه.
مين بقى "هاوزر" ده؟ تعالى إحنا نقولك:
- اتولد عازف التشيلو "ستيبان هاوزر" في كرواتيا سنة 1986، وسط عيلة بتعشق الموسيقى. ووالدته كانت بتلعب طبلة.
- درس في زغرب عاصمة كرواتيا وفي لندن، تحديدًا جامعة مانشيستر. وبعد كده كمل دراسته في الولايات المتحدة الأمريكية.
- رغم صغر سنه، قدر يعزف في 40 بلد. وفي 2006 تم اختياره لتقديم حفل موسيقي في قصر فيكيو في فلورنسا.
- عمل فريق مع عازفة الكمان "لانا تروفيشك"، وعازف البيانو "يوكو ميزومي"، وحصلوا على جوايز كتيرة. بعدها قرر يعزف بشكل منفرد.
- في يناير 2011 عزف "Smooth Criminal" لمايكل جاكسون على التشيللو، مع وصديقه "لوكا سوليتش". وخلال أيام المقطوعة انتشرت بشكل كبير على يوتيوب.
- عزف أغاني كتير مشهورة، زي: Besame Mucho وDespasito، وغيرهم من المقاطع اللي لفتت انتباه كتير من مستخدمي مواقع التواصل الاجتماعي.
- عنده أكتر من 2.5 مليون متابع على فيسبوك بس، غير يوتيوب وتويتر وإنستجرام.
تقدروا تعروفوا تفاصيل أكتر عن الحفلة وأسعار التذاكر من هنا.
