نجوم كتير بيواصلوا تصوير أعمالهم، علشان ينافسوا بيها في موسم الدراما القوي، اللي بتعيشه الشاشة الفضية الفترة دي، واحنا في "كلام القاهرة" هنقول لكم على 3 مسلسلات بدء عرضهم على شاشة التليفزيون وكمان على المنصات الإلكترونية، يلا نتعرف عليهم:

حكاية جديدة من حكايات "إلا أنا"، ابتدى عرضها على قناة DMC، السبت اللي فات، ومن بطولة يسرا اللوزي، علي الطيب، عماد رشاد، وعدد كبير من النجوم، المسلسل بيتعرض من السبت لـ الأربعاء، الساعة 8:00 على شاشة DMC، والساعة 11:00 بالليل على DMC دراما.

من ضمن حكايات مسلسل "زي القمر"، بطولة صابرين في دور سيدة كفيفة، تأليف فداء الشندويلي وإخراج أحمد شفيق، النهارده هتتعرض أول حلقة، الساعة 8:00 بالليل على قناة CBC، والإعادة الساعة 12:30 الصبح، والساعة 12:00 بالليل، وعلى قناة CBC دراما الساعة 11:00 بالليل. وعلشان غير المبصرين وضعاف البصر، يتابعوا المسلسل، هيتم عرض نسخة من الحلقات مصحوبة بتعليق صوتي علي المشاهد الصامتة، على قناة CBC دراما الساعة 4:00 العصر، وكمان على منصة "واتش ات".

طرحت منصة شاهد الحلقات الأولى من مسلسل "60 دقيقة"، تأليف محمد هشام عبيّة. وإخراج مريم أحمدي. المسلسل بطولة ياسمين رئيس، محمود نصر، شيرين رضا، سوسن بدر، خالد كمال، ونجوم تانين.