إعلان خبر وفاة الفنان الشاب هيثم أحمد زكي، صدمة كبيرة هزت الوسط الفني والشارع المصري. هيثم اتوفى وحيد في بيته، وعمره 35 سنة. ومن الصدف الحزينة إن والدته الفنانة الراحلة هالة فؤاد، اتوفت في نفس عمره بعد صراع مع المرض.
الخبر وجع ناس كتير من جمهور هيثم زكي. وطبعًا فنانين كتير كان الخبر صعب عليهم. ونعوا الفنان الراحل وعبروا عن حزنهم من خلال وسائل التواصل الاجتماعي. وده كان نعي بعض الفنانين لرحيله:
كريم محمود عيد العزيز
وضح قد إيه كانوا قريبين من بعض. وإنهم كانوا أكتر من إخوات. حكى تفاصيل آخر مكالمة بينهم وكانت كلها كلام عن أهلهم اللي رحلوا.
ناهد السباعي
عبرت عن صدمتها من الخبر، وقالت إنه كان دايمًا خايف يموت لوحده.
أحمد السعدني
طلب من متابعيه الدعاء له
يا حبيبي يا طيب ارتحت و رحت لحبايبك
— Ahmed L Saadany (@AhmedLSaadany) November 7, 2019
ادعوا لهيثم ذكي
حلا شيحة
.قالت إنها مصدومة ومش مصدقة خبر موته
تامر حبيب
كان بيتمنى إن الخبر يكون إشاعة وهيثم لسه عايش.
حسام الحسيني
اعتذر للراحل هيثم أحمد زكي إنه ماكنش جنبه في آخر أيامه. ووضح إنه كان بيعاني كتير لوحده في مجال التمثيل.
هيدي كرم
افتكرت أيام بدايتهم سوا في فيلم "البلياتشو"، وأكدت إن حياته كانت قاسية.
آخر أعمال هيثم زكي كان فيلم "الكنز 2"، مع محمد رمضان ومحمد سعد. ومسلسل "علامة استفهام"، مع محمد رجب.
ربنا يرحمك يا هيثم.
