"في رمضان؟! كان رد قاله من كام سنة الملحن عمرو مصطفى على سؤال من الإعلامي الراحل وائل الإبراشي، بخصوص رأيه في بعض الأعمال الرمضانية، وقتها الموضوع عدى عادي، لكن السنة دي بقى من أشهر التريندات اللي انتشرت على السوشيال ميديا، وتقريبًا كده كلنا قابلناه على الإنترنت.

وبسؤال "عمرو" عن التريند ده خلال حواره مع الإعلامية "أسما إبراهيم" في برنامجها "حبر سر"، قال إنه ما اتدخلش خالص في انتشاره، وأكد إن إرادة ربنا هي السبب في إظهاره في رمضان 2022 وإنه ينتشر وينجح كده.

من جانب تاني، كشف عمرو إنه وعد نفسه يكون أهم مطرب في الوطن العربي بعد 4 سنين من دلوقتي، ووضح كمان إن مافيش مطرب مصري أو عربي وصل للعالمية بالشكل المطلوب، رغم إن فيه ألحان مصرية وصلت للعالمية، حسب تعبيره.