بتشارك الفنانة غادة عادل في بطولة فيلم "الخطة العايمة" للفنان علي ربيع. اللي من المقرر عرضه في دور العرض السينمائية يوم 6 أكتوبر.

قصة الفيلم بتدور في إطار كوميدي، عن عصابة بتجبر غادة عادل على تجنيد فردين لسرقة بنك. لكن العصابة مش عايزة حد يعرف عنها أي تفاصيل أو أدلة، فبتقوم غادة بتجنيد 2 من المكفوفين. وهم علي ربيع ومحمد عبد الرحمن. بعدها بيتم تدريبهم على تنفيذ العملية.

اسم الفيلم في البداية كان "الخطة العامية"، اللي تم طرحه على الأفيش. لكنه اتسبب في غضب الكاتب عمر طاهر، اللي أعلن عن مشروع سينمائي بيجمعه بالنجم محمد هنيدي، وبيحمل نفس الاسم. فتم تغيير الاسم لـ "الخطة العايمة" بتبديل حرفين فقط.

بيشارك في  البطولة محمدعبد الرحمن، عمرو عبد الجليل، بيومي فؤاد، وعدد من ضيوف الشرف. تأليف أحمد عبد الوهاب وكريم سامي، إخراج  معتز التوني.