زي النهاردة من سنتين، 28 نوفمبر 2017، رحلت عن عالمنا دلوعة الشاشة "شادية" وعمرها 86 سنة. بعد ما سابتلنا تراث فني عظيم هيفضل موجود في أذهان كل محبيها. وفي ذكرى يوم زي ده، تعالوا نتعرف أكثر عن أهم محطات في حياتها.

1- اتولدت يوم 8 فبراير 1931 فى حي عابدين، والدها كان بيشتغل مهندس زراعي. ولها أخت واحدة اسمها عفاف.

2- اسمها الحقيقى فاطمة أحمد كمال، لكن اتعرفت في الوسط الفني باسم "شادية".

3- كانت بتحب الغناء من طفولتها. وليلى مراد مطربتها المفضلة وكانت تقلدها.

4- أول أجر حصلت عليه كان 150 جنيه، عن فيلم "العقل في إجازة".

5- بدايتها كانت على إيد المخرج أحمد بدرخان. اللي رشحها للمخرج حلمي رفلة، علشان تلعب دور صغير في فيلم "أزهار وأشواك" سنة 1947، مع الفنان محمد فوزي. 

6- لمعت نجوميتها في أفلام متتنسيش منها (مراتى مدير عام - كرامة زوجتى - عفريت مراتى - أغلى من حياتى - اللص والكلاب - زقاق المدق - الطريق - شىء من الخوف - نحن لا نزرع الشوك) وغيرها.

7- على مدار مسيرتها الفنية اللي استمرت 40 سنة، قدمت شادية أكتر من 110 فيلم - 10 مسلسلات إذاعية - ومسرحية واحدة "رايا وسكينة". ده غير عشرات الأغاني.

8- شادية وصلت للعالمية بعد ما اتعرض فيلم "شيء من الخوف" في أكتر دولة منهم اليابان. غير تقديمها لفيلم (جريمة على ضفاف النيل)، من تأليف الياباني "نوبووياماوا". وبطولة الممثل الياباني "إيشيهارا يوجيرو".

9- فيلم "لا تسألني من أنا" كان آخر أعمالها، قبل اعتزال الفن وارتداء الحجاب. بعدها اتفرغت للأعمال الخيرية.