نشرت الصفحة الرسمية لبرنامج "معكم"، تقديم الإعلامية منى الشاذلي، برومو حلقة الفنانة ياسمين عبدالعزيز، المقرر عرضها قريب. وده يعتبر أول ظهور لنجمتنا الجميلة بعد تعرضها لأزمة صحية نتيحة خطأ طبي.

ظهرت "ياسمين" في الفيديو بعد استعادة جمالها وصحتها، وحكت عن حب الناس اللي كان سندها في رحلة علاجها، كمان اتكلمت عن تفاصيل تانية تخص خوفها على أولادها وزوجها الفنان أحمد العوضي.

وحقق البرومو لحد الآن، أكتر من 3 مليون مشاهدة، وفي الغالب ده بيرجع لتأثر "ياسمين" وبكائها لما افتكرت لحظات صعبة عاشتها في فترة المرض، خاصة لما قالت، "كنت بتموت والتربي بعت لي رسالة بتجهيز التربة".

الحلقة هتتعرض قريب، وبصفة عامة برنامج "معكم منى الشاذلي" بيعرض على شاشة قناة "CBC"، في سهرة يوم الخميس والجمعة، الساعة 9:00 بالليل، والإعادة يوم السبت والأحد، الساعة 11:00 بالليل.