النهارده عيد ميلاد الجميلة شيرين سيف النصر. واحدة من أيقونات الفن في التسعينيات. اللي رغم اختفائها لسنين طويلة عن الشاشات، لسه جمالها حاضر وماحدش يقدر ينساها. وبما إنها بتحتفل النهارده بعيد ميلادها الـ 52، قولنا نعرفكم على أهم محطات حياتها:

1- اتولدت في الأردن 27 نوفمبر سنة 1967. لأب مصرى من أصول شركسية، الصحفي "إلهام سيف النصر". وأم فلسطينية من عيلة هاشم المقدسية.

2- اتخرجت في كلية الحقوق سنة 1991، وعاشت في فرنسا سنين طويلة من عمرها قبل دخولها الفن.

3- رصيدها الفني أكتر من 20 عمل، بيتنوعوا بين مسلسلات وأفلام ومسرحيات. منهم: مسرحية بودي جارد - فيلم أمير الظلام - مسلسل من الذي لا يحب فاطمة.

4- في 1996 قررت الاعتزال، بناءً على رغبة زوجها السابق، رجل الأعمال السعودي عبد العزيز الإبراهيم. شقيق صاحب محطة إم بي سي.

4- خلال فترة وجودها في فرنسا، قابلت الفنان يوسف فرنسيس. أثناء عمله هناك في السفارة المصرية، وقدمها للسينما. وبعدها اشتغلت في التليفزيون.

6- رشحها أحمد زكي علشان تشاركه بطولة فيلم "سواق الهانم"، بعد ما شاف صورها على غلاف مجلة فنية. ودي كانت جرأة منه لإنها كانت وجه جديد.

7- اختفت مدة طويلة عن الأضواء لأنها كانت عايشة فترة برة مصر، وده بعد وفاة والدتها.

8- اليومين اللي فاتوا انتشرت صورة ليها، بملامح مختلفة ووزن زائد. لكن شيرين نفت علاقتها بالصورة تمامًا، وقالت إنها مش صورتها.

كل سنة وانتى طيبة يا شيرين يا جميلة.