28 مليون جنيه في 5 أيام عرض بس، كانت إيرادات فيلم "ولاد رزق 2" خلال موسم العيد. بعد ما بدأ عرضه في السينمات يوم الخميس اللي فات.
في 5 أيام بس، تخطى الجزء الثاني إيرادات الجزء الأول في موسم كامل. واللي وصلت وقتها لـ 24 مليون جنيه. الجزء الأول كان بينافس في موسم عيد الأضحى في 2015. وكان برضه متصدر إيرادات شباك التذاكر.
تريلر الفيلم حقق على يوتيوب 2.5 مليون مشاهدة. وشارك في البطولة أحمد عز وعمرو يوسف وأحمد الفيشاوى وأحمد داوود وخالد الصاوى وباسم سمرة ومحمد ممدوح "تايسون".
"ولاد رزق 2" من تأليف صلاح الجهينى، وإخراج طارق العريان. وإنتاج مشترك ما بين سينرجى فيلمز وطارق العريان وشركة الطاهر ميديا برودكشن.
